Benvidos e benvidas a web do grupo EDUCADORES POLA PAZ do Movemento de Renovación Pedagóxica (MRP) NOVA ESCOLA GALEGA, o primeiro grupo de educación para a paz da historia de Galicia e o máis veterano dos que están en exercicio de España.

Nas diferentes seccións da mesma poderedes atopar informacións e documentos sobre a identidade do grupo, a nosa historia, as actividades desenvolvidas e as que están programadas, as publicacións feitas, etc.

En segundo lugar, a web pretende igualmente ser unha ferramenta útil para facilitar propostas e recursos didácticos para traballar a educación para a paz, a cidadanía democrática, os dereitos humanos, o desenvolvemento sostibel, a educación para a convivencia e a resolución non violenta dos conflictos.

En terceiro lugar, gostaríamos de que a web tamén sexa unha xanela aberta a todas aquelas persoas que queiran colaborar con nós para difundir os valores e contidos dunha educación e cultura de paz.